Asteburu bikaina izan dute Zaraobe Saskibaloi Taldean, emakumezko juniorrek irabazi baitzuten lauko finala Gasteizen eta Euskal Ligan egongo dira denboraldia amaitu arte.
Horretarako, amurrioarrek Jotake taldea menderatu zuten larunbatean, 58-50 gailenduta, eta igandean Marianistasen aurka eskuratu zuten garaipena, markagailua 57-44 utzita.
Hurrengo partidetan Zaraobek indarrak neurtuko ditu puntako taldeekin: Baskonia, Bilbao Basket, Tabirako eta Easo.
Denboraldi historikoa
Jon Pinedo presidenteak azpimarratu du klubak bere 41 urteko historian bizi izan duen unerik gozoena duela oraingoa. Izan ere, gizonezkoen senior taldea bigarren maila nazionalean dago eta gizonezkoen juniorra eta nesken kadeteena ere Euskal Ligan daude. Kadeteak duela 10 egun sailkatu ziren Euskal Ligarako, nahiz eta lauko finala galdu.
Pinedok goraipatu du klubaren lorpena eta filosofia eta aldarrikatu du aipagarria dela Amurrion erakusten ari diren maila, are gehiago "Gasteizera begira bizi den lurralde historikoan".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
