Haize bolada batek Mendiko Eskolako eraikin nagusiko teilatua altxatu du gaur arratsaldean. Ufada bortitzak 100 metro barreiatu du egitura, eta Mendiko kaleko espaloian amildu da. Ezbeharrak kalte materialak eragin ditu soilik. Ertzaintzak ingurua hesitu du, eta suhiltzaileak ari dira uneotan hondakinak erretiratzen.
Ingrid ekaitza gogor ari da kolpatzen Hego Euskal Herria, eta larrialdi zerbitzuek alerta laranja ezarri dute Bizkaiko eta Gipuzkoako haizeguneetan. Aiaraldean ere nabariak ari dira izaten haize ufada bortitzak.
Klaseak bertan behera
Eskolako zuzendaritzak jakinarazi du Lehen Hezkuntzako eraikina itxita egongo dela beste abisu bat eman arte. Ondorioz, astelehen honetan 2, 3 eta 4 urteko ikasleak soilik joango dira klasera. Bost urtekoak eta Lehen Hezkuntzakoak ez dira bertaratu beharko. Era berean, bertan behera utzi dituzte baita jantoki zerbitzua, goizeko zaintza eta eskolaz kanpoko zerbitzua, eta ate irekien jardunaldia atzeratu dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
