Zaraobe Institutuak ziberjazarpenari buruzko hitzaldia eskainiko du otsailaren 4an 17:30ean ikastetxeko areto nagusian. Julen Linazosoro izango da hizlaria eta adituak argituko du zertan datzan praktika hori, eta baita nola eta zergatik gertatzen den ere.
Hezkuntza zentroak elkarlana abiatu du Altxa Burua egitasmoarekin, helduen inplikazioa eskatzeko teknologia berriek eta sare sozialek sortzen dituzten kalteei aurre egiteko.
Altxa Buruak adierazi duenez, "egunetik egunera gero eta gehiago dira adingabeek egindako eta teknologia berrien erabilera desegokiarekin zuzenean lotutako delituen albisteak (Errioxako institutu bateko gazteek AIk biluztutako ikaskideen irudiak zabaldu dituzte; Valentzian bere buruaz beste egin zuen 9 urteko haurrak, bere sare sozialak eta Fornite kontua aztertzen ari dira; ziberbullying-aren hazkundea ikastetxe guztietan...), eta ez ditugu ahaztu behar gazteen antsietateak, arreta falta eta emaitza akademikoen gutxipena".
Bederatzi hitzaldi antolatu dituzte guztira hezkuntza zentroan eta otsailekoa izango da seigarrena. Hori igarota, honako hauek izango dira hurrengo hitzorduak: martxoaren 11n Zibersegurtasuna, apirilaren 15ean Adingabeak, esplotazio sexuala eta pornografia eta
maiatzaren 13an Dirua irabazteko gezurrak.