Bigarren greba eguna abiatu dute Tubos Reunidoseko langileek. Gaueko bederatzietan hasi dute lanuztea, eta 24 orduz luzatuko dute.
Astelehenean bezala, dozenaka lagun bildu dira fabrikako zubiko piketean. Grebaren jarraipena erabatekoa izaten ari da beste behin ere, zerbitzu minimoak baino ez baitira sartu gaueko txandan lan egitera.
Bihar goizeko bostetan jarri dute piketerako hitzordua, eta Gasteizera joko dute gero, bilera izango baitute bertan Enpresa Batzordeko kideek Eusko Jaurlaritzarekin, Tubos Reunidoseko zuzendaritzak ezarri nahi dituen 301 kaleratzeen inguruan hitz egiteko. Bien bitartean, elkarretaratzea egingo dute gainontzeko beharginek Lakuan, 9:00etatik 11:00etara.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
