Eduki hau partekatzeko esteka arbelera kopiatu da.
Enpresa Batzordeak erabakia gaitzetsi du, eta elkarretaratzea deitu du 8:30ean Bilbon.
Tubos Reunidosen Amurrioko lantegitik Bilboko Euskalduna Jauregira mugituko da Enplegua Erregulatzeko Espedientearen laugarren bilera. Hala erabaki du zuzendaritzak, atzo Refor enpresaldean egondako protesten ondoren:
Enpresa Batzordeak zehaztu du 17:31n jaso duela toki aldaketa jakinarazpena, eta geldiarazten saiatu dela, baina ez dutela enpresa konbentzitzea lortu. Erabakia gaitzetsi dute langileen ordezkariek, lantegiko "zubitik ateratzeko eta langileek protestetatik babesteko neurri bat" dela argudiatuta.
Hala ere, bilerara joatea erabaki dute sindikatuetako kideek, uste dutelako bestela kaltegarria izan daitekeela etorkizunean espedienteak epaitegietan izan ahalko lukeen ibilbideari begira. Baina ez dira bakarrik joango. "Ahalik eta jende gehiena" bertaratzeko deia luzatu dute, 8:30ean jauregiaren aurrean batzeko deia eginez.
Aurreko bilera-egunetan bezala, 24 orduko greba egingo dute beharginek, gaur gaueko hamarretatik hasita. Bihar 5:00etan eta 13:00etan egingo dituzte piketeak.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
