Petardoak eta kea ez dira falta izan Euskalduna Jauregiaren aurrean eta tentsio uneak ere bizi izan dira. Sindikatuen ordezkariak eraikinean sartzear zeudela, Ertzaintzak adierazi die euren motxilak miatu behar zituela eta langileek ezezko borobila eman dute.
Negoziazioak luzatu egin dira bi aldeen artean eta polizia eta beharginen arteko tartea murrizten joan da. Langileek leporatu diete agenteei zuzendaritzarekin ez dutela horrelako neurririk ezarri eta ertzainek azaldu dute eraikinaren protokoloa dela, ekintza gehiago zeudelako barruan.
Azkenean, sindikatuetako kideak bost lagunetako taldetan sartu dira, baina ez dituzte arakatu euren motxilak.
Protesta Bilbon egin izanak hedabide ugari erakarri ditu eta kazetari mordoak jaso du mobilizazioa.
Gaurko bilera luzatzea aurreikusi dute, 13:30ean egutegiari lotutako beste batzar bat baitute eta 10:00etako zita berandu hasi da segurtasun indarrekin egondako eztabaidaren ondoren.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
