Ia 500 elkartasun kamiseta saldu dituzte Tubos Reunidoseko langileek eta hurrengo astean gehiago izango dituzte

Aitor Aspuru Saez 2026ko otsailaren 28a
Deskargatu Info Ahotsak :

Mobilizazioetan presente egon dira kamisetak. / Aiaraldea.eus

Ostegunean jaso zituzten 500 kamiseta propaganda batzordeko kideek eta jadanik 450 saldu dituzte. 10 euro balio dute.

Tubos Reunidos enpresako lan gatazkak elkartasunerako bideak irekitzea exijitu die langileei eta horietako bat kamiseta salmentarena da. Greba eta mobilizazioek sortzen dituzten behar ekonomiko zein komunikatibo guztiak asetzeko batzordeak sortu dituzte eta horietako bat da propagandarena.

Talde horrek 500 kamiseta eskatu zituen eta ostegunean jaso zituzten. Elkarretaratzeetan hasi ziren saltzen eta atzo jadanik 50 baino ez zituzten eskura. Neurri arruntenak agortu dituzte eta soilik handienak geratu zaizkie. 10 euro balio du kamiseta bakoitzak.

Gauzak horrela, beste eskari bat egin dute eta 500 kamiseta gehiago izatea espero dute hurrengo astean. Momentuz, elkarretaratzeetan saldu dituzte soilik, baina litekeena da zenbait salmenta puntu finko izatea hurrengo astetik aurrera.

Kamisetak ez ezik, txapak eta ikurrak ere inprimatuko dituzte, eta nola ez, pegatinak. 

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide