Tubos Reunidos

Tubos Reunidoseko langileek Sabin Etxera jo dute gaur, EAJri exijitzeko kaleratzeen kontrako jarrera har dezan

Aitor Aspuru Saez 2026ko martxoaren 6a
Deskargatu Info Ahotsak :

Elkarretaratzea egin dute gaur Tubos Reunidoseko langileek Bilboko Sabin Etxearen aurrean eta eskutitza utzi diote Aitor Esteban Euskadi Buru Batzarreko presidenteari, enplegu suntsiketaren kontrako baldintzak jarri ditzan.

Gaur Tubos Reunidoseko beharginek mobilizazioekin jarraitu dute eta Bizkaiko hiriburuan elkartu dira berriro, Sabin Etxean. Kontzentrazioa deitu dute 11:00etan eta 11:30ean eraikinera joan dira Aitor Esteban Eusko Buru Batzarreko presidenteari zuzendutako eskutitza emateko.

Testu horretan Enpresa Batzordeak zenbait mezu zabaldu ditu. Alde batetik, kezka adierazi du Eusko Jaurlaritzak aipatzen duelako Tubos Reunidosen etorkizuna bermatu behar dela, baina soilik inbertsioen eta zorraren berregituraketaren aldetik.

Hortaz, sindikatuek eskatu diote EAJri enpleguaren bermea ere txertatzea bere jardueran eta diskurtsoan, konpainiak egin nahi dituen 301 kaleratzeen kontra, alegia.

Lanpostuen defentsarekin batera, langile ordezkariek exijitu dute gertatzen ari diren negoziazio guztiak gardenak izan daitezen.

Gaurko protestaren ondoren, langileak Bilbora itzuliko dira astelehenean Euskalduna Jauregira, enplegua erregulatzeko espedientearen azken bilera izango baita.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide