Süne, Benito Kamelas, NØT eta Txapela Brava arituko dira Amurrioko jaietan, besteak beste

Txabi Alvarado Bañares 2026ko martxoaren 6a
Deskargatu Info Ahotsak :

Sünek girotuko ditu Amurrioko jaiak abuztuaren 14an.

Abuztuko festetako musika eskaintzaren nondik norakoak aurkeztu ditu Udalak. 

Amurrioko Udalak iragarri berri du zeintzuk diren aurtengo Amurrioko jaietara etorriko diren musika taldeak. “Bi izen handi” iragarri dituzte: Süne eta Benito Kamelas. Lehenak abuztuaren 14an joko du, eta hurrengo egunean bigarrenak. 

Dena den, beste hainbat musika emanaldi iragarri ditu tokiko erakundeak. La Polaka transformista, eskualdeko NØT rock taldea, Oxabi erromeria eta DJ Masa arduratuko dira festetako lehen gau ofiziala girotzeaz, abuztuaren 12an. 

Hurrengo egunean Jamaica Show Orkestra igoko da Juan Urrutia plazako oholtzara. 14an, aldiz, Akerbeltz erromeria, La Pérgola Orkestra eta DJ Blessive arduratuko dira gaua girotzeaz. 

15ean, aldiz, Txapela Bravak eta La Txorra Recordsek (La Polla Recordsen tributuak) osatuko dute egitaraua. 

Bukatzeko, 16an Orquesta Maran, Zutik Erromeria eta DJ Varro arduratuko dira Karrozen desfile entzutetsuaren osteko parranda dinamizatzeaz. 

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide