Gaur data garrantzitsua daukate Tubos Reunidoseko langileek. Izan ere, 301 beharginen kaleratzea eragin dezakeen enplegua erregulatzeko espedientearen kontsulta epea amaituko da eta bilera abiatu dute 10:00etan zuzendaritzarekin.
Printzipioz, azken batzarra izan beharko litzateke, baina enpresak aukera dauka prozedura hamabost egunez luzatzeko.
Hori dela eta, greba eguna deitu dute sindikatuek eta manifestazioak antolatu dituzte. Goizeko lehenengoa Eusko Jaurlaritzako Bilboko egoitzan egon da, baita Euskalduna Jauregian ere, non bilera hasi den jadanik.
Atseden txiki baten ondoren, Eusko Jaurlaritzara itzuli dira grebalariak eta bileraren parera bueltatuko dira berriz geroago.
Argazkiak: Tubos Reunidoseko langileak, Aitor Aspuru Saez
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
