Eduki hau partekatzeko esteka arbelera kopiatu da.
Ertzaintza agertu baino apur bat lehenago jaitsi dira berriro beharginak eta eraikinaren aurrean tentsio une batzuk bizi izan dira.
Lanuzte eta mobilizazio eguna izan dute gaur ere Tubos Reunidoseko beharginek, nahiz eta ostiralean beste bilera bat deitu duen konpainiak 301 kaleratzeen enplegua erregulatzeko espedientea egikaritzeko.
Gaur multinazionalak Bilboko Maximo Agirre kalean dituen bulegoen aurrean elkartu dira, baina eraikinaren sarreran eserialdia egin ondoren, bulegoetara eraman dituzte euren aldarrikapenak langileek.
Ertzaintza agertu baino apur bat lehenago jaitsi dira berriro beharginak eta eraikinaren aurrean tentsio une batzuk bizi izan dira.
12:00etan amaitu da elkarretaratzea eta langile batzuek jantokietako langileen manifestaziora jo dute, euren aldarrikapenak babestera.
Bihar hitzordu garrantzitsua egongo da Amurrion, batzar orokorra egingo baitute 10:30ean eta ez dago argi erabakiak hartzeko esparrua izango den.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
