Bihotzekoa eragiteko moduko orduak bizitzen ari dira Amurrioko Tubos Reunidoseko langileek zein bere ingurukoek. Izan ere, gaur bertan, ezustean, Trapagarango lantegian galdeketa abiatu dute konpainiak egin nahi dituen 301 kaleratzeei oniritzia emateko, ELAko ordezkarien babesarekin (sindikatuaren iritziaren kontra).
Dena den, bukatzear dagoen bozketa hori ez da erabakigarria izango, UGTko Amurrioko ordezkariek aurreratu dutelako ez dutela espedientea sinatuko. Horrela adierazi dute komunikatu baten bidez. UGTko kideek iritzi dute enpresak ez dituela justifikatu 301 kaleratze egiteko arrazoiak eta altzairutegiaren itxierak kolokan jarriko lukeela lantegi osoaren bideragarritasuna.
Gauzak horrela, matematikak argiak dira: Amurrioko ELA (3), Amurrioko UGT (2), Amurrioko eta Trapagarango LAB (2) eta ESK (1) zortzi bozka izango dira hamahiru kideko negoziazio mahaian. Trapagarango gainerako ordezkarien bozek lau zenbatzen dute; ELA (2), UGT (1) eta CCOO (1). Bestalde, Amurrioko CCOO sindikatuko kideak oraindik ez du aurreratu bere bozka zein izango den.
Matematikak argiak dira: Amurrioko ELA (3), Amurrioko UGT (2), Amurrioko eta Trapagarango LAB (2) eta ESK (1) zortzi bozka izango dira hamahiru kideko negoziazio mahaian.
Gasteizen mobilizazioa Maderas de Llodioko kideekin
Mugimendu horiek guztiak gertatzen ziren bitartean, Tubos Reunidoseko behargin ugarik Gasteizera jo dute. Han borrokan dauden hainbat enpresekin batu dituzte indarrak (Mercedeseko suhiltzaileak, adibidez) eta ez dira eskualdeko langile bakarrak izan, Maderas de Llodioko grebalariak ere han izan baitira.
Argazkiak: Tubos Reunidoseko langileak