Zaraobe saskibaloi taldeko ehunka familiek ospatu dute klubaren eguna Basarten

Maider Ramirez Martin 2026ko martxoaren 29a
Deskargatu Info Ahotsak :

Zaraobeneta foodtruck-a estreinatu dute eta ehunka bokata banatu dituzte bertaratu direnen artean. Zozketak ere egin dituzte orduro sari ugari banatzeko.

Zaraobe Eguna ospatu zuten atzo klubeko jokalari eta familiek Basarte kirolgunean. 15:00etan eman zioten hasiera egitarauari, Zaraobenetaren inaugurazioarekin. Motorrik gabeko furgoneta bat da, taberna moduan erabiliko dutena jai eta ospakizun egunetan.

Bokatak bazkaldu zituzten ostean eta 17:00ak aldera Pakita Penas DJak hasi ziren arratsaldea girotzen. 18:00etan Bañuetako kantxetara jo zuten senior B taldea animatzeko. Partida erabakigarria zuten atzokoa eta garaipena lortu zuten.

Jaiak jarraitu zuen ostean Basarten, merendolarekin, zozketekin eta mariatxien kontzertuarekin.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide