Beste urte batez herri kros solidarioa antolatu zuen atzo Oinkariak Atletismo taldeak, Amurrioko Udalaren eta Aldundiaren babesarekin. Anorexia, bulimia eta elikadura-portaeraren beste nahasmendu batzuk pairatzen dituzten pertsonekin elkartasunean antolatu dute aurtengo lasterketa, eta Arabako ACABE elkartea egon da bertan.
Kontzientziazioa eta ikusgarritasuna zabaltzeko baliatu zuten hitzordua eta garaipenarekin itzuli ziren etxera, gainera. Izan ere, elkarteko kide eta bozeramaile Lorena Campoamor izan zen lehen sailkatua emakumezkoen artean.
Berarekin batera zeharkatu zuen helmuga Nerea Martinez de Osaba lagunak eta Isasi Hurtadok eskuratu du hirugarren postua. Mirari Gardeazabal izan da lehen emakume amurrioarra.
Gizonezkoei dagokienez, hiru laudioar igo ziren podiumera: Koldo Ayesta, Josu Apraiz eta Jon Maeso. Asier Urquijo hamalau urteko gaztea izan ziren tokiko lehen kirolaria.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
