Haur eta gazteentzako euskarazko xake ikastaroa eta txapelketa egingo dituzte Amurrion, Gurasolagun ekimenaren barruan eta Udalaren babesarekin. Apirilaren 17an izango da zita, 17:30ean, Amurrioko Familia Elkartean (Larrinaga kaleko 1. zenbakian kokatutako lokala). Antolatzaileek azaldu dutenez, "xakearen oinarriak ikasteko aukera izango dute" parte hartzaileek, "baita giro atsegin eta parte-hartzailean lehiatzeko ere".
Nabarmendu dutenez, jarduera doakoa izango da eta "aukera bikaina" eskainiko du "haurrek pentsamendu estrategikoa garatzeko, kontzentrazioa lantzeko eta beste parte-hartzaileekin harremanetan jartzeko".
Apirilaren 16ra arte egongo da zabalik izena emateko epea. Horretarako mezu bat bidali daiteke info@tourbel.com helbidera. 946 562 698 edo 644 294 078 telefonoetara ere deitu daiteke horretarako.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
