Pilotak harrobi sendoa du Amurrion. Garbi erakusten dute hori aurtengo denboraldian lortutako emaitza borobilek. Izan ere, asko dira txapeldun edo txapeldunorde izatera iritsi diren kirolari amurrioar gazteak.
Modalitate guztietan erdietsi dituzte emaitza onak: esku huskan, trinketean edota larruzko paleta, goma pala eta frontenisa barnebiltzen dituen erremintan. Modalitateetan bezain besteko transbertsalitatea lortu dute ere kirol-kategorietan: senior, gazte, kadete, haur eta kimu mailetan lortu dituzte garaipenak.
"Txapel, garaikur eta dominen sorta zabala, Amurrioko pilotaren etorkizun handia iragarri" egiten duela aldarrikatu dute klubeko kideek. Entrenatzaileek egindako "ahalegina eta konpromisoa" ere goraipatu dute, Iker Larrazabal esku pilotan eta Mikel Jimenez erremintan.
Modalitatez modalitate, hauek dira erdietsitako emaitzak:
Esku pilota
- Eneko Gonzalez, senior mailako esku-pilotako txapelduna.
- Marcos Villa, Xabi Zabaleta eta Markel Zabaleta jubenil mailako Arabako binakako txapeldunak.
- Markel Zabaleta jubenil mailako Arabako txapeldunordea.
- Aritz Gaviña eta Ohian Rafael kadete mailako Arabako binakako txapeldunak.
- Aritz Gaviña kadete mailako Arabako banakako txapeldunordea.
- Hegoa Roiz Arabako eskolarteko txapelketan txapeldun, gazte mailan.
- Aimar Villa eta Ekain Roiz Arabako eskolarteko txapelketan txapeldunorde, alebin mailan.
Trinketea
- Markel Zabaleta eta Kepa Arauzo jubenil mailako Arabako binakako txapeldunak.
- Marcos Villa, Jokin Ramos eta Xabi Zabaleta jubenil mailako Arabako binakako txapeldunordeak.
- Ohian Rafael eta Julen Diaz kadete mailako Arabako binakako txapeldunak.
- Julen Diaz kadete mailako Arabako banakako txapeldunordea.
Erreminta
- Mikel Jimenez eta Xabi Zorroza senior mailako paleta gomazko Arabako txapeldunak.
- Asier Ellakuria eta Gorka Ibarluzea senior mailako paleta gomazko Arabako txapeldunordeak.
- Endika Rodriguez eta Asier Martin gazte mailako paleta gomazko Arabako txapeldunordeak.
- Endika Rodriguez eta Asier Martin gazte mailako larruzko paletako Arabako txapeldunak.
- Aimar Ikaza eta Jon Aldama gazte mailako larruzko paletako Arabako txapeldunordeak.
- Aimar Ikaza eta Asier Martin gazte mailako fronteniseko Arabako txapeldunak.
