Eduki hau partekatzeko esteka arbelera kopiatu da.
Enai Bengoak, Andoitz Menoyok eta Unai Garridok zilarrezko dominak eskuratu zituzten eta David Zubiaurrek urrezkoa.
Larunbatean lehiatu zen Talavera de la Reinan Gaztela-Mantxako hirian Espainiako K-1 Txapelketa eta Chock Dee klub amurrioarrean aritzen diren lau kidek parte hartu zuten.
Emaitzak oso positiboak izan dira eta lau domina bereganatu zituzten. Enai Bengoa laudioarrak zilarrezko domina eraman zuen 25 azpiko kilo kategorian. Andoitz Menoyo amurrioarrak garaikur bera ekarri zuen 35 kilo azpiko kategorian. Unai Garrido laudioarrak ere zilarrezko domina irabazi zuen 80 kilo azpikoen artean.
David Zubiaur amurrioarrak, aldiz, txapeldun izatea lortu zuen 65 kilo azpiko kategorian.
Ibai Ruiz eta Jorge Bengoa (Enairen aita, alegia) izan ziren aiaraldearren entrenatzaileak eta biek goraipatu dute lehiaketa gogorra izan dela, egun berean baitziren borroka guztiak, bai finalerdiak zein finalak. Ondorioz, guztien parte hartzea bikaintzat jo dute.
Hain zuzen, Enai eta Jorge Bengoa EGON ziren Azalera podcastean iaz, Espainiako K-1 Txapelketan egon eta gero:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
