Tubos Reunidos

Tubos Reunidoseko sindikatuek ukatu dute hurrengo astean grebari buruzko bozketa deitu denik

Aitor Aspuru Saez 2026ko apirilaren 30a
Deskargatu Info Ahotsak :

Tubos Reunidoseko langileen mobilizazioa. / Aiaraldea.eus

Langile Batzordeko iturriek azaldu dute El Correok zabaldutako albistearen berri ez dutela eta inor ez dela eurekin harremanetan jarri batzarra deitzeko.

Maiatzaren 7an ez da egongo batzarrik bozkatzeko greba mugagabearekin jarraitu edo ez. Horrela argitu diote Aiaraldea Komunikabideri Enpresa Batzordeko iturri ezberdinek. Ondorioz, El Correok gaur argitaratutako albistea gezurtatu dute.

Vocento taldeko hedabideak adierazi du langileen laurden baten sinaduren babesa duela deialdiak eta maiatzaren 7ko 09:00etan egingo dutela.

Dena den, Tubos Reunidoseko sindikatuek argitu dute albiste hori WhatApp bidez zabaldu den mezu batean oinarrituta dagoela, "baina ez dago sinatuta, ez dauka zigilurik eta Enpresa Batzordeari ez zaio heldu".

ESK-k bulotzat jo du eta ELAk mezua bidali die afiliatuei jakinarazteko batzar bat PDF anonimo bidez deitzea Langileen Estatutuaren kontrakoa dela eta horrela ezin direla erabakiak hartu.

Barne mailan greban inplikatuta dauden sindikatu guztiek hitz egin dute gertatutakoari buruz eta guztiek (ELAk, LABek, UGTk eta ESK-k) ukatu dute albistearekin zerikusirik izatea.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide