Batzarrean parte hartu nahi izan dutenak sartu dira jadanik Tubos Reunidoseko lantegian aparteko arazorik gabe

Hasi dira batzarrean parte hartu dutenak lantegitik ateratzen, grebalarien txaloen artean.

Berria egunkariak argitaratu duenez, 234 langilek bozkatu dute gaurko batzarrean. 232k greba bertan behera uztearen alde egin dute, batek kontra eta abstentzio bat ere egon da. 889 behargin ditu enpresak.

Batzarrean parte hartu duten langile batzuk hasi dira ateratzen, baina oso gutxi momentuz.

Lantegian guztira 230 lagun inguru sartu dira. Piketean salatu dutenez, erdia, gutxienez, Lan Hitzarmen Kolektibotik kanpoko enpresako langileak dira.

Sarrerak utzitako irudi bat, piketeak lantegian sartu direnei txalo egiten.

Aparteko tentsiorik gabe egin dute sarrera batzarrean parte hartuko dutenek. Talde txikietan egin dute. Piketeak txaloen artean eta serpentinak botata egin diete ongi etorria.

Behin batzarrean egongo direnak barruan sartuta, polizia furgonetetara itzuli da.

Enpresa Batzordea eta batzarraren deitzaileak aurrez aurre ari dira hitz egiten.

Lantegiko zubira heltzen ari dira batzarrean parte hartu nahi dutenak.

Langile Batzordeko bozeramaileak gune batean baztertu ditu Ertzaintzak eta ez die uzten pikete informatiboaren lanak egiten.

Batzarrean parte hartuko duten pertsonen ibilaldia abiatu da berriro. Ertzaintza A-625 errepidean eten du trafikoa, lantegian sar daitezen.

Langile batzuk sartu dira batzarrera eta piketeak txalo ironiko eta kolorezko ke poteen artean hartu dituzte. Liskarrik ez.

Ertzaintza exijitzen ari da grebalariei bideko bi errailak libre uzteko. Enpresa Batzordeak adierazi dio Aiaraldea Komunikabideari badirudiela polizia aitzakiak bilatzen ari dela batzarreko langileak ez sartzeko lantegian. Izan ere, piketea aspaldi ari da Ertzaintzak ezarritako marraren barruan, gainditu gabe.

Batzarrean parte hartzera doan jende taldea geldirik geratu da errepidean eta bilera ez da hasiko 09:00etan.

Hedabide ugari bertaratu dira goizeko lehen ordutik piketera: El Correo, EITB, RTVE, El Mundo... Ertzaintzak komunikatu berri die kazetariei ezingo dela haien entzumen-segurtasuna bermatu, grebalariek piroteknia baitute eta zarata handia egotea aurreikusten baita. Ez ditu, ordea, medioak fabrika sarreratik kanporatu eta haien esku utzi du geratzeko erabakia.

Lantegiaren sarreran, bitartean, Brigada Mugikorreko 30 kide baino gehiagoren artean kordoia osatu dute, botoa ematera datozen langileei bidea errazteko.

Fabrikarako bidea hartu dute galdeketan parte hartzeko asmoa duten langileek. 100 lagun inguru abiatu dira Iparraldeko geltokitik, tartean galdeketaren deitzaileak eta Andres Garcia, Enpresa Batzordeko presidentea, besteak beste.

Atzo iragarri bezala, 07:55ean elkartu dira galdeketaren antolatzaileak eta boz-emaileak Iparraldeko tren geltokian. Lantokiraino "ibilaldi lasaian" joango dira, Ertzaintzak lagunduta.

Ertzaintzak alfonbra gorria fabrikaren barru alderaino mugiarazi die langileei.

Brigada Mugikorra fabrikaren sarreraraino hurbildu da.

Langileak zubitik mugiarazi ditu Ertzaintzak. Grebalariek fabrika sarreran jarri dute alfonbra gorria, grebaren jarraikortasuna bozkatzera datozen langileentzat.

Presentzia polizial handiarekin abiatu da goiza Tubos Reunidosen fabrikaren inguruetan. Ertzaintzaren Brigada Mugikorraren sei ibilgailu eta beste sei auto bertaratu dira une honetarako. Beharginekin hitz egin du poliziak eta "goiza Ertzaintzak ebazten dituen parametroen arabera joango dela" adierazi die.