Ekainaren 9ra arte egongo da irekita Etorkizuna Futbol Eskolaren udako campusean izena emateko epea. 2007tik 2020ra bitartean jaiotako haur eta gazteei zuzenduta egongo da, neska eta mutilentzat, eta “futbolean gozatu eta lagun berriak egiteko aukera” eskainiko du, antolatzaileek azaldu dutenez.
Lau txanda atondu dituzte horretarako:
- 1. astea: Ekainak 22tik 26ra
- 2. astea: Ekainak 29tik uztailak 3ra
- 3. astea: Uztailak 6tik 10era
- 4. astea: Uztailak 13tik 17ra
Goizez izango dira saio guztiak, 9:30etik 13:30era.
Prezioa, aldiz, denboraren araberakoa izango da:
- 1 aste egoteko: 90€ / 70€ (anai-arrebentzat)
- 2 aste: 130€ / 110€
- 3 aste: 170€ / 150€
- 4 aste: 200€ / 170€
Futbolaz harago
Etorkizunako kideek nabarmendu dute ez direla pilotaren atzetik egotera mugatuko, bestelako jarduerak ere egingo baitituzte: igerilekura irteerak, jolas bereziak edota sorpresak.
Horrez gain, hamaiketakoa ere eskainiko dute egunero, eta parte hartzaile bakoitzak kamiseta bana jasoko du opari.
Klubeko kideek nabarmendu dute “urte osoan haur eta gazte askok” praktikatzen dutela futbola, “laguntasunean eta balioetan oinarritutako giro familiar batean”.
Aitortu dute “eskola txikia” direla, baina uste dute horrek egiten duela Etorkizuna berezi. “Denok elkar ezagutzen dugu, gertuko tratua dugu eta haur bakoitza garrantzitsua da guretzat. Amurrion gaude, Reforren, eta bertan egunero ilusioz entrenatzen eta hazten jarraitzen dugu”, azpimarratu dute.
