Zaraobe Saskibaloi Taldeko emakumezkoen senior taldeak 'final four'-a jokatuko du asteburuan Bañuetan eta jaia prestatu dute

Aitor Aspuru Saez 2026ko maiatzaren 28a
Deskargatu Info Ahotsak :

Zaraobe Saskibaloi Taldeko seniorrak.

Bigarren Maila Nazionalera igotzeko aukera izango du taldeak eta Bañuetan jokatuko dute kanporaketa. Babesa sortzeko asmoz, jaia antolatu dute eguerditik.

Zaraobe Saskibaloi Taldeak hitzordu garrantzitsua izango du asteburuan Bañueta kiroldegian. Izan ere, emakumezkoen seniorrek eskura izango dute maila nazionalera igotzea eta lauko finala jokatuko dute horretarako.

Lehen hitzordua larunbatean izango dute 19:00etan Araskiren kontra eta, finalerako txartela lortuz gero, igandean 11:45ean izango lukete norgehiagoka.

Klubak azpimarratu du inportantea dela jokalariak babestea eta jaia egingo dute giroa sortzeko asmoz. 13:00etatik 18:30ak arte pintxoak, poteak eta musika eskainiko dituzte Basarte futbol zelaian. Helburua da jendetza biltzea eta arratsaldea elkarrekin gozatzea, partida hasi arte.

Emakumeak nagusi

Berez, Zaraobe Saskibaloi Taldeak uste du marka historikoak lortu dituela emakumezkoen parte hartzeari dagokionez. Guztira 16 talde dituzte, 200 kide inguru. "Oso klub gutxik daukate hain jokalari kopuru handia kategoria femeninoetan, eta are gutxiago herri batean", aldarrikatu dute.

Gizonezkoen taldeak ere ugariak dira, zazpi baitira, 125 jokalarirekin.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide