Kultur sorkuntza Aiaraldean

Iraia Martin Goti amurrioarrak liburua idatzi du, nerabezaroa eta buru osasuna ardatz

Aitor Aspuru Saez 2026ko ekainaren 1a
Deskargatu Info Ahotsak :

Iraia Martin Goti egile gaztea. / Aiaraldea.eus

Amurrion eta hainbat plataforma eta denda handitan egongo da salgai. Sobrevivir a ser adolescente da liburuaren izenburua.

Iraia Martin Gotik liburua argitaratu berri du: Sobrevivir a ser adolescente. Izenburuak adierazten duen moduan, nerabezaroari buruzko hausnarketa da, nahiz eta amurrioarra oso gaztea den (18 urte). Jadanik Amurrioko Bai Bada liburudendan salgai dago eta Casa del Libro, ⁠Amazon, El Corte Inglés eta Fnac plataforma eta enpresa handiek ere izango dute.

Iraia Martin Gotik aitortza liburua idatzi du eta Aiaraldea Komunikabideari azaldu dionez: "Islatu dut nerabezaro guztiak ez direla zoriontsuak".

Berea izan da horietako kasu bat eta bere sufrikarioak unitate psikiatrikotan bi aldiz sartzera eraman zuen. Esperientzia gogorrak izan dira amurrioarrarentzat, baina zer pentsatu ere eman diote.

Liburuarekin bizipen horiek partekatu nahi ditu eta espero du beste batzuentzat lagungarria izatea. Laster egilearekin egindako elkarrizketa argitaratuko du Aiaraldea Komunikabideak.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide