Pandemia betean Amurrioko Mendiko Eskolak ezin izan zuen mende erdiko ibilbidea ospatu. Atzo, ordea, ikastetxearen 55. urteurrena egun osoko jaia bihurtu zuten.
Gaur egungo ikasle eta ikasle ohiek, irakasle eta irakasle ohiek... denek egin zuten bat ikastetxearen ibilbidea oroitu eta kalitatezko hezkuntza publiko eta euskaldun baten alde egindako lana goratzeko. Egun osoko egitaraua prestatu zuten horretarako. Ekitaldia, erakusketa, haurrentzako jolasak, txaranga edota herri bazkaria izan ziren burututako jardueretako batzuk.
Etorkizunera begira
Gaur egungo ikasleek denbora-kapsula lurperatzeko baliatu zuten urteurreneko ekitaldi nagusia. Dozenaka mezu eta amets utzi dizkiete etorkizuneko Mendiko Eskolako ikasleei. Izan ere, eskolaren 75. urteurrenean berreskuratuko dute bertan sartutakoa.
Argazkiak: Endika Diaz eta Aimar Gutierrez