ARGAZKIAK ETA BIDEOA

Arabako Txakolinaren erakusleiho izan da Amurrio beste urte batez

Aimar Gutierrez Bidarte 2026ko ekainaren 8a
Deskargatu Info Ahotsak :

Txakolin Egunaren XXVII. edizioa ospatu zuten atzo Amurrion. Arabako Txakolina Jatorri Deitura osatzen duten zazpi upategiek jai-giro paregabean aurkeztu zituzten aurtengo ardoak. 

Kopuruz murritzagoa baina kalitate bikainekoa. Horrelakoa da 2025eko uztatik eratorritako txakolina. Arabako Txakolina Jatorri Deitura osatzen duten Aiaraldeko zazpi upategiek atzo aurkeztu zituzten aurtengo ardoak, erabateko arrakasta izan zuen Txakolin Egunaren XXVII. edizioan.

Alberto Molinero sukaldaria eta Jorge Rodriguez sommelierra omenduta eman zioten hasiera Txakolin Egunari. Arabako Txakolina Elkarteko kideek Molinerok eta Rodriguezek Arabako txakolinari ematen dioten bultzada eta ikusgarritasuna eskertu nahi izan dute. Protokolozko toparen aurretik tokiko produktuen aldeko apustuan berretsi ziren erakundeetako ordezkariak.

Milaka lagun elkartu ziren Amurrioko parkean, eguraldia lagun, janari eta edari postuen artean gozatzeko. Tokiko upategiak izan ziren festaren erdigune, eta ekoizleek egunaren balorazio "oso positiboa" egin zuten. Berandura arte luzatu zen jai-giroa Errekada eta Oxabi erromeriaren eskutik.

Argazkiak: Aimar Gutierrez Bidarte.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide