Egurre Jam ekimenaren laugarren edizioak girotu du Amurrioko larunbata. Goizeko hamarretan hasi zen egitaraua. Hainbat parte hartzailek herriko hainbat txoko bisitatu zituzten, tokian tokiko hiri-altzariekin trikimailuak egiteko. Bazkari herrikoia egin zuten gero bowl-aren inguruan, eta bertan igaro zuten arratsaldea, hainbat erakustaldi eta txapelketarekin. Cabron Dandy taldearen rockak girotu zuen iluntzea.
Kirol disziplina hori zabaltzeko baliatu nahi izan dute antolatzaileek egitasmoa. Era berean, bowl-a handitzeko beharra ere jarri dute mahai gainean, maila txiki eta ertainerako espazioa behar dela iritzita.
Argazkia: Jabizi Ekoizpenak (@jabizi_sportmedia)