Zazpi urtez Athletic Clubean egon ostean, Leire Egia atzelariak Real Ovideo taldean jokatuko du. Astelehenean abiatu zituzten entrenamenduak eta amurrioarra pozik dago bere taldekideekin, jatorrak baitira.
Egiak azaldu du bere klub berriak interes handia adierazi diola eta proiektuan garrantzitsua izango dela. "Kirol esparruan aurrepausua da inportantea izatea", aipatu du.
Berez, Real Oviedo bigarren mailan lehiatuko da 2026/2027 denboraldian eta Egiaren asmoa da lehen mailara igotzea eta kategoria gorenean aritzea. Edonola ere, Asturiasen etapa ona izatea, %100 ematea eta bidean gozatzea badira bere bere erronkak ere.
Hazkunde pertsonala
Egiak gaineratu du Oviedora joanda gizaki moduan hazten jarraitu nahi duela eta bere kabuz hartzea ardura guztiak. "Nire erosotasun eremutik aterako naiz, etxetik kanpo izango dudan lehen esperientzia luzea izango baita", adierazi du.
Izan ere, aurretik amurriorrak Etorkizuna, Lakua, Aurrera eta Athletic Clubean militatu du. Azken talde horri buruz argitu du: "16 urterekin sartu eta 23 urterekin atera naiz, jende asko ezagutu dut eta Athleticak asko eman dit. Espero dut nik ere zerbait eman izana. Oso pozik nago bizitakoarekin eta orain etapa berrien bila nabil".