Nola sentitzen zara zure kuadrillako ordezkaria izateagatik?
Poz-pozik nago, azken finean bizitzan behin bakarrik gertatzen delako eta jaiak bizitzeko beste modu bat delako.
Noiz eta nola hasi zinen zure kuadrillako kide izaten?
Duela 3 urte sartu nintzen kuadrillan, nire lagun ia guztiak kuadrilla honetan zeudelako, eta uda osoa pasatzen zutelako karrozetan. Horregatik, haiekin egoteko eta jaietan parte hartzearen esperientzia bizitzeko, Tro-Art kuadrillan sartu nintzen.
Zerk egiten du berezi zure kuadrilla?
Giro oso ona eta errespetuzkoa dagoela. Azken finean, ez gara kuadrilla handi bat (baina urtero handitzen ari gara), eta horregatik guztiok elkar ezagutzen dugu eta komunikazioa ona da gure artean.
Zein da jaietako zure ekintzarik gustukoena?
Karroza eguna, izan ere, uda osoa ematen dugu karrozak, desfilea, dantzak eta abar prestatzen. Gainera, kuadrillen artean dugun leiha-giroa oso gustoko dut.
Karrozen lehiaketa irabaziko duzuela uste duzue?
Pixkat zaila iruditzen zait urte honetan irabaztea, karrozen maila urtero handitzen delako, baina bai, gustatuko litzaidake lan handia egiten ari garelako.
Egiteari utziko balitz, jaietako zein ekintza botako zenukeen gehiago faltan?
Txupinazo osteko zurrakapotea. Amurrio osoa herriko txoko desberdinetan elkartzen delako eta giro oso ona sortzen delako.
Amurrioko jaiak esaldi labur batean deskribatu beharko bazenitu?
Urteko asterik onena.