Horma-irudia estreinatuko du Lezamako Pilotalekuak, Asier Aldamaren obra

Aimar Gutierrez Bidarte 2026ko abuztuaren 6a
Gehitu gaitzazu Googlen
Deskargatu Info Ahotsak :

Asier Aldama Cuadraren horma-irudi batekin azalberrituko dute Lezamako pilotalekuko fatxada nagusia. Artista amurrioarrak astelehenean ekin zion lanari eta aste bukaerarako amaituta egotea aurreikusten du.

Metamorfosi prozesu betean dago Lezamako pilotalekua. Asier Aldama Cuadra muralista amurrioarrak sinatutako horma-irudia izango du aurrerantzean eraikineko fatxada nagusiak. Astelehenean hasi zuen Aldamak horma-irudia margotzeko prozesua eta aste bukaerarako amaituta egotea aurreikusten du. Orotara, 80 metro koadro baino gehiagoko irudia osatuko du artista amurrioarrak, eta pilota munduko elementu desberdinak batu ditu bertan.

Lezamako Administrazio Batzarraren gonbidapenez ari da Aldama pilotalekuko fatxada azalberritzen, eta bozetoak auzokideekin kontrastatu ostean ekin dio lanari.

Aldamak eskarmentua du tamaina honetako horma-irudi eta lanetan. Berriki Amasa-Villabonako Loatzo musika eskolan egin du murala eta Amurrioko Gaztetxeko horma-irudiak ere bere sinadura darama.

Argazkiak: Aimar Gutierrez Bidarte

Kultura Amurrio Lezama

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide