Tubos Reunidos taldeko zuzendaritzak, administrari konkurtsalak eta Amurrio zein Trapagako ordezkari sindikalak elkartu dira gaur. Berez, administrariak azaldu du lau talde berrik interesa agertu dutela konpainiaren egoeran eta, ondorioz, hamalau direla jadanik eskaintza bat prestatzea aztertzen ari direnak.
Berez, aldeen arteko hurrengo bilera urriaren 15ean izango da, behin enpresa proiektua eskuratzeko eskaintzak ezagutu eta gero.
Enpresaren egoera egun
Zuzendaritzak eta administrariak aipatu diete sindikatuei egungo egoerak delikatua izaten jarraitzen duela. 21 milioi euro dituzte kutxan. Hau da, urtea hasi zen baino gutxiago, baina administrazio prozesua abiatutakoan baino gehiago.
Halaber, ordainketa guztiak eguneratuak egon arren, ekoizpenerako zenbait oztopo dituzte, ezin dituztelako nahi beste erosketa egin.
Edonola ere, uztaileko eta abuztuko datuak positibotzat jo dituzte. Iaz sartu zen diru kopuruak %38an egin du gota.
Merkatu aukerei dagokienez, Europan ahul dago eta Ekialde Hurbilean dagoen gatazka egoerak oztopatzen du eskaera handiak jasotzea. Ameriketako Estatu Batuetan, aldiz, bi OCTG eskari interesgarri sartu dira.
LABen mezua
LAB sindikatuak jasotako informazioaren irakurketa argia egin du. Alde batetik, langile erakundeak adierazi du pozgarria dela industria proiektu gehiagok interesa adieraztea Tubos Reunidosen.
Edonola ere, sindikatuak azpimarratu du Tubos Reunidosen bakarrik balio duela industria proiektu indartsua sartzea, lanpostuak bermatuko dituenak.