Zaraobe Saskibaloi Taldearen aurkezpenak Bañueta kiroldegia bete du

Aitor Aspuru Saez 2026ko irailaren 12a

Zaraobe Saskibaloi Taldeak denboraldiko aurkezpena egin du gaur eguerdian Bañueta Kiroldegian eta jendetza batu da kantxan zein harmailan.

Ehunka jokalari eta saskibaloi jarratzaile elkartu ditu gaur Zaraobe ST-k udal kiroldegian 2026/2027 denboraldiaren aurkezpenean. Klubeko talde guztiak igaro dira kantxen erditik eta gero kirolari zein entrenatzaile guztiak batu dira han argazki erraldoia egiteko.

Ondoren, Jon Pinedo presidenteak hartu du hitza aldarrikatzeko klubak egiten duen lana nahi duenak saskibaloian jokatu dezan, eta boluntarioen lana ere goraipatu du. Pinedoren ustez, kirola egin ez ezik, balio garrantzitsuak sustatzen dituzte egunerokoan

Halaber, babes handiagoa eskatu die erakundeei eta harrobien garrantzia azpimarratu du.

Gero Marcos Maroto klubaren sortzailea eta Javi Santocildes eta Koldo Zurimendi omendu dituzte, proiektuan egin duten lan handiagatik.

Publiko jendetsuaren artean eskualdeko zein Foru Aldundiko hainbat ordezkari politiko batu dira eta ekitaldia emakume abesbatza batek girotu du.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide