Arakaldon kokatuta dagoen Norten enpresako lagileek aho batez onartu dute azaroan zehar egingo diren greba eta mobilizazio egutegia.
CCOO, ELA eta LAB sindikatuetako ordezkariek osatzen duten enpresa batzordeak mobilizatu beharra adierazi du langileriaren baldintzen kontrako eraso larritzat jotzen dutenaren aurrean. Izan ere, azaroaren 1etik aurrera zuzendaritzak orain arte ezarrita zegoen enpresa-hitzarmena apurtzea erabaki du. Hala, bada, Hormigoizko Aurrefabrikatuen Estatuko hitzarmena aplikatuko da hortik aurrera, eta honek, besteak beste, soldaten %20ko jaitsiera ekarriko du.
Greba egunak aurreikusita daude azaroaren 12an, 14an, 18an, 20an eta 22an. Negoziaketetan emaitzarik lortu ezean, azaroaren 25etik aurrera mugagabeko greba egingo lukete Norteneko langileek. Honez gainera, Arakaldoko Udaletxean egingo den udalbatzan Norteneko langileen aldeko mozio bat aurkeztuko du Arakaldoko Bilduk eta langileen ordezkariek prentsaurreko bat eskainiko dute.
Greba honek atzerapenak eta oztopoak sor ditzake hainbat obra garrantzitsutan hala nola San Mames berria edo Metro Bibao.