2012/08/23 16:00

Udaletxea Arakaldo

Kukutza tontorreko gotorlekuaren konkista birgogoratzeko ekitaldia

Arakaldoko Kukutza mendiaren tontorreanLehenengo Gerrate Karlistan, armada liberalari aurre egin zieten karlistek izan zuten gotorleku esanguratsuenetako bat egon zen. Gotorleku hori beraien menpe egon zen, 1839-08-23an, eraso liberal baten ostean, gotorlekua betiko galdu zuten arte.

Duela 173 urte izandako gertakizun hori birgogoratzeko asmoarekin, abuztuaren 23rako, osteguna, ekitaldi bat antolatu da aurten, lehenengo aldiz.

Azalpen historikoak, askaria, musika...

Esan bezala, Arakaldoko data historiko hau ospatzeko ekitaldi bat egingo da, 18:00etan udaletxean hasiera izango duena, Kukutza tontorreraino egingo den txango baten bitartez. Ondoren, eta 18:30ak aldera, tontorrean ere, oroimen ekitaldia azalpen historikoekin batera egingo da, guztia musikarekin eta askari batekin giroturik.

Arakaldoko historiara hurbiltzeko aukera emango duen ekitaldi hau lagunarteko giroan ospatzea espero da, eta aurten lehenengo aldiz egingo bada ere, hurrengo urteetara begira, jarraipena izatea espero dute antolatzaileek.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa