aiaraldea.eus

Ibaiko zubia konpontzea izango da 2019ko obra nagusia

Erabiltzailearen aurpegia Izar Mendiguren Cosgaya   Jendartea  Arakaldo

Arakaldoko zubiaren oinezkoen eremua konponduko dute, "argitasun, irisgarritasun eta segurtasuna hobetzeko". Horrez gain, Ondasun Higiezinen gaineko Zerga murrizteko diru-laguntzak aurkeztu dituzte, baita hileta zibilen araudia ere.

Ibaiko zubia konpontzea izango da 2019ko obra nagusia
Nerbioi ibai gaineko zubiaren zati bat konponduko du udalak. / Aiaraldea.eus | Ikusi handiago | Argazki originala

302.252€ izango ditu Arakaldoko Udalak 2019an erabiltzeko. "Aurrekontuetan inbertsiotarako 34.000€ egongo dira", nabarmendu du Jabi Asurmendi alkateak. Obren artean zubiaren konponketa dago, espaloia berritzekoa, hain zuzen: "Herri Batzar batean hala erabaki zen. Foru Aldundiari zubi berria eskatu genion, proiektua bidali dute, baina luzerako joango da". Horregatik, oinezkoen bidea atontzeari ekingo dio udalak, "argitasun, irisgarritasun eta segurtasun aldetik oinezkoentzat erosoago izateko". Izan ere, errepidearen konponnketa Bizkaiko Foru Aldundiari dagokio. 

Horrez gain, osoko bilkurak bi araudi onartu berri ditu. Lehenbizikoak Ondasun Higiezinen gaineko Zerga du ardatz. Hain zuzen, zergaren ordainketarako irizpide soziala ezartzea erabaki dute: "Familia kide kopuruen eta diru-sarreren arabera laguntza jasotzeko aukera izango dute herritarrek". Horretarako, baina, errolda eta errenta agiriak eraman beharko dituzte udaletxera. "Hiri lurren gainbalio tasa ere ezarri dugu, orain arte Arakaldon ez zegoen eta. Zerga soziala izanik araudia egitea ezinbestekoa zen", azaldu du Jabi Asurmendi alkateak. 

Hileta zibilak egiteko araudia
Bestalde, hileta zibilak ospatzeko jarraitu beharreko prozedura ere argitu dute: "Bilkura aretoan, herriko plazan edo frontoian egin ahalko dira. Udalak dituen baliabideak jarriko ditu eskura: aulkiak, soinu ekipoa...".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa