Arakaldo jaietan

Herri bazkariarekin eman diete amaiera Arakaldoko jaiei

Inguruko produktu ekologikoekin osatutako herri bazkaria izan dute gaur Arakaldoko festen ekintza nagusi. Bazkalostean jotak eta euskal kantak abesten aritu dira. Udalak balorazio positiboa egin du parte hartze eta giro aldetik.

Ostiralean jaurti zuten txupinazoa Arakaldon. Jabi Asurmendi alkateak positiboki baloratu ditu festak, bai parte hartze aldetik eta baita giro onagatik. Larunbata izan zen egun nagusiena: eguerdian apar festa jarri zuten "umeentzat eta animatu ziren nagusientzat".

Festetako indargunea larunbat arratsaldea izan da aurten, alkatearen esanetan: "Jende asko etorri zen tortila lehiaketarekin, herri kirol parte hartzaileekin eta umeen rokodromo, ohe elastiko zein tirolinarekin. Giro polita egon zen plazan". Edozelan ere, arakaldoarrek jaiak aurrera ateratzeko egindako lana goraipatu du gobernu buruak. 

Larunbat iluntze eta gauean kontzertuak izan ziren protagonista, eta gauerdian su artifizialak bota zituzten, "orokorrean jendea gustura geratu da, musika taldeak animatuak ziren". 

Gaur egin dituzte bolo eta igel txapelketak edota herri bazkaria. Hala, datorren urtera arte agurtu dituzte festak Arakaldon. 

Erlazionatuak

Herriko umeek eman diete hasiera Arakaldoko jaiei

Arakaldo

Gaur arratsaldean hasi dira Arakaldoko jaiak. Herriko umeak arduratu dira jaiei hasiera emateaz. “Gora Arakaldo!” oihukatuta piztu dute...
Txikien jolas parkea eta tortila txapelketa izan dira nagusi festen egun "handian"

Arakaldo

Atzo hasi ziren Arakaldoko jaiak. Gaur izan da egun "handia" eta jende ugari bertaratu da ekintzetan parte hartzera.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide