Herri batzarra egingo dute gaur arratsaldean Arakaldon, 19:15ean udaletxean. Hainbat gai landuko dituzte bertan: tasak eta zergak, aurtengo hirigintza proiektua, zubiko obrak, zubi berria, industriagunerako proiektua, aurrekontuen ekarpenak, Ugarrizako pisua eta parkea, besteak beste. Udal arkitektoa eta idazkari kontu-hartzailea ere bertaratuko dira zitara, gai teknikoak landu eta bizilagunen zalantzak argitzeko.
Jabi Asurmendik eman du deialdiaren berri. Alkatearen hitzetan, “udaleko aurtengo informazio eta erabaki garrantzitsuenak eztabaidatzeko” aukera egongo da batzarrean.
Gaur herri batzarra egingo dugu #Arakaldo-ko Udaletxean urteko informazio eta erabaki garrantzutsuenak denon artean eztabaidatzeko. #DenonHerria! @aiaraldea pic.twitter.com/WcnhG8zzIo
— Jabi Asurmendi (@jabiasurmendi) February 12, 2020