Aholkularitza zerbitzua abiatu du Arakaldoko Udalak, koronabirusa dela eta ohiko etxebizitzaren hipoteka ordaintzeko edo ohiko etxebizitza alokatzeko zailtasun ekonomikoak dituzten biztanleentzako. Tokiko erakundeak azaldu du zerbitzu horren bidez herritarrek aukera izango dutela “laguntzak eskuratzeko aukera duten aztertu eta aipatutako araudiaren baldintzak interpretatzeko”.
Herritarrek 946 721 353 telefonora deitu beharko dute zerbitzua eskatzeko, haien egoera azalduz eta harremanetarako datuak emanda. Ondoren, udal idazkaria eurekin jarriko da kontaktuan egoeraren inguruko azalpenak emateko.
Ekimenaren gaineko xehetasun gehiago eman ditu Jabi Asurmendi alkateak:
#Arakaldo-ko udalak etxebizitza hipoteken eta alokairuen laguntzetarako aholkularitza zerbitzua jarri du martxan eta horri buruzko informazio eskema batzuk zabaldu ditu. pic.twitter.com/OCCfnA0Xyl
— Jabi Asurmendi (@jabiasurmendi) April 8, 2020
Horrez gain, udalak jakinarazi du indarrean dagoela zaborren, saneamenduaren, estolderiaren eta ur-horniduraren tasen arloko udal-laguntzen ordenantza, egoera ekonomiko zailean dauden herritarrei ordainketa arintzeko.