Asteburu honetan ziren ospatzekoak Arakaldoko jaiak, baina bertan behera geratu dira, koronabirusa dela eta. Festen ordez ekitaldi kulturalen bat antolatzea zen udalaren hasierako asmoa, baina halakorik ez egitea erabaki dute azkenean.
“Denok dakigun bezala, aurten osasun krisialdiak zuhur jokatzea eskatzen digu”, azaldu dute tokiko erakundeko kideek, eta azken egunetan COVID-19 kasu berriak agertu direla nabarmendu dute. Horregatik hartu dute ekitaldi publikorik ez egitearen erabakia: “Udal gobernutik ez dugu ikusten egoerak eskatzen duen zuhurtzia eta ziurtasun neurriak bermatu ahal izango direnik”.
Hala ere, udalak herritar guztiak zoriondu nahi izan ditu, euren “jarreragatik eta arduragatik”. “Krisialdiaren hasieran esaten genuen bezala, dena ondo aterako da, denon artean lortuko dugu eta elkar zainduko dugu. Datorren urtean gogo handiagorekin hartuko ditugu gure jaiak eta bikoitza gozatuko ditugu”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
