19:30ak aldera iritsi ziren atzo Arakaldoko herrigunera menditik Mari Domingi eta Olentzero. Txistulariek eta trikitilariek lagundu zituzten erdigunera, eta udaletxe aurrean egin zieten harrera umeek. 'Katalina' astoak bultzatu zuen gurdia, eta opari eta poztasun zakukada banatu zizkieten bertaratutako lagun denei.
'Katalina' astoak ekarri zituen Mari Domingi eta Olentzero Arakaldoko plazara
Sorginlarren taldeko momotxorro eta erraldoiak ere hurbildu ziren hitzordura. Magiaz betetako iluntzea igaro zuten, osasun eta segurtasun neurriak mantenduta: Mari Domingi eta Olentzeroren aurrean eseri ahal izan ziren nahi izan zuten ume guztiak eurekin solastera, distantzia bermatuta.
Konfinatuta zeuden ume batzuei ere bidali zieten mezua Mari Domingik eta Olentzerok, familia batek hala eskatuta. Ordu eta erdi hizketan pasa ostean, mendira itzuli ziren, gabon gaueko lan guztiekin jarraitzeko.
Argazkiak: Jabi Asurmendi Sainz
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide