Bi urteko etenaren ostean indarberrituta datoz Arakaldoko Jaiak. Herri txikia izanagatik ere, egitarau oparoa prestatu dute uztailaren 15etik 18ra bitarte, eta herrikideak ez ezik, inguruko udalerrietatik ere jendea bertaratzea espero dute.
Txupinazoari itxaron gabe, uztailaren 15ean musika izango da nagusi Arakaldon; Moonshine Wagon taldeak gaua girotuko du 22:30etatik aurrera. Bluegrass taldearen aurretik zein ostean, Dj Portu musika jartzaileak berotuko du Arakaldoko Plaza.
Uztailak16 egun handia
Larunbatean jaurtiko dute txupinazoa, festetako egun handiari hasiera emanez. Goiz horretan haurrek izango dute protagonismoa, Disko Txantxaren ikuskizunari eta apar festari esker. Arratsaldean, gainera, jolas parke erraldoia muntatuko dute, eta orotariko ekintzak aurkituko dituzte haurrek bertan: tirolina, jumar, trepa sarea eta oreka jolasak, besteak beste.17:00etan, tortilla lehiaketa abiatuko dute, eta baita herri kirol erakusketa ere. Gainera, herri kirol desberdinak probatzeko aukera eskainiko dute erakustaldiaren ostean. 18:00etan bola txapelketa hasiko da Udal bolatokian.
Musika eta ikuskizuna ez dira faltako. Lekittoko Deabruen pirotekniak argia eta kolorea jarriko die jaiei.
Oholtza gainera, ordea, Atxurre taldea eta Beranduegi erromeria igoko dira, jai-giroa ordu txikiak arte luzatzeko asmoz. Igande eta astelehenean ere ez da ekintzarik faltako Arakaldon.
Uztailaren 17an pilota partidak eta herri bazkaria izango dira nagusi. 18an, aldiz, mokadua eskainiko dute meza nagusiaren ostean, eta trikitixa taldeak girotuko du arratsaldea.
