Beroak ez ditu Arakaldoko jaiak eragotzi, baina apur bat baldintzatu ditu. Iluntzeko ekintzek izan dute harrera onena, tenperaturak apur bat jaitsi direlako eguzkirik gabeko orduetan. Atxurre taldeak eta Beranduegi erromeriak girotu zuten atzoko gaua, baina Lekittoko Deabruak-en emanaldiak sortu zuen ikusmira handiena. Antzerki taldeak su pirotekniko ikusgarriekin argitu zuen herrigunea, eta bizilagun ugari animatu ziren deabruen txinparta zaparraden artean aritzera.
Dena den, bero olatuak olatu, giro ona izan da nagusi baita egunean zehar eginiko ekintzetan. Hainbat lagun animatu ziren atzo tortilla zein bolo txapelketetan parte hartzera. Haurrek ere izan zuten zertaz gozatu: apar-festa, ur-jolasak, Diskotxantxa eta 'Txiki Rock' familia kontzertua egon ziren, besteak beste.
Gaur, aldiz, igel eta bolo txapelketak egon dira goizean, Boleros 4 taldearen musikak giroturik. Ondoren, hainbat bizilagun batu dira frontoian eginiko herri bazkarian.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide