Aldaketak datoz Arakaldoko Udalera. Jabi Asurmendik alkatea izateari utziko dio, udalean 12 urte igaro ostean. 2011an irabazi zituen hauteskundeak lehenbiziko aldiz, baina, oso tarte txikiarekin, eta txanpona airera botata erabaki zuten nor izango zen alkatea, araudiak hala zehazten zuelako.
2015 eta 2019ko hauteskundeak, aldiz, tarte handiagoraekin irabazi zituen Asurmendik eta, ondorioz, bera izan da alkatea azken 8 urteetan, EH Bildurekin. Asurmendi erretiratuta, koalizio abertzaleak ez du beste hautagairik aurkeztu maiatzaren 28ko zitara.
Hala ere, herriko zenbait lagunek Arakaldoko Taldea izeneko hautagaitza sortu dute, "Asurmendik eginiko lanari jarraipena" emateko, baina "marka politikorik gabe".
Ondorioz, talde horren eta EAJren artean egongo da lehia. 2019an EH Bilduk 51 boto eskuratu zituen, EAJk 43 eta bakarra, aldiz, PSE-EEk.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
