Arakaldoko Udalak bilera deitu zuen pasa den ostiralean herritarrek euren ekarpenak egiteko Hiri Antolamenduko Plan Orokorrari. Hain zuzen, hainbat proposamenen balorazioa egiteko aukera izan zuten bertan.
Humberto Perea alkateak adierazi duenez, "arakaldoarrek eurek erabaki behar dute zein udalerri nahi duten etorkizunean". Berez, pasa den astekoa ez da izan lehen urratsa. "Deitu den bigarren batzarra izan da", argitu du Pereak. Bide hori jarraiki, etorkizunean beste bilera bat prestatuko dute herritarrak informatzeko.
Edonola ere, Humberto Pereak nabarmendu du HAPO berria sortzea ez dela prozesu erraza izango. "Prozedura luzea da. Urteak beharko ditugu aurrera egiteko eta legeak ezartzen dituen izapide guztiak betetzeko. Hala ere, asmoa da herritarrek izatea hitza Arakaldoko etorkizuna antolatzeko".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
