Komunitate energetikoa sortzeko bigarren bilera egingo dute Arakaldon uztailaren 10ean

Aitor Aspuru Saez 2025eko uztailaren 4a

Udala ari da prozesua sustatzen. / Aiaraldea.eus

Ekainaren 26an egin behar zuten baina atzeratu egin zuten azkenean. Alde legalak zein kostuak landuko dituzte.

Bilera egingo dute komunitate energetikoa sortzeko Arakaldon. Errekatxuko Txokoan izango da zita uztailaren 10ean 18:30ean. Berez, helburu horrekin deitutako bigarrena izango da.

Hitzorduan bi gai nagusi jorratuko dituzte. Alde batetik, horrelako egitasmo batek behar duen izaera juridikoa landuko dute. Bestetik, kostuei buruz arituko dira, azalduko dute zein ezberdintasun dagoen norberak bere azpiegitura jartzearen eta modu kolektiboan egitearen artean, eta energia iturri anitzen prezioa ere aipatuko dute, instalazioa ordaintzeko aukerak ere azalduta.

Bigarren batzarra

Maiatzaren 22an egin zuten komunitatea egituratzeko lehen bilera. Deialdi horretan hiru galdera egin zizkieten parte hartzaileei, abantailak, zailtasunak eta beharrak guztien artean eztabaidatzeko.

Ekonomia Arakaldo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide