Miren Gaztañagak Bultzada saria jasoko du Donostiako Zinemaldian

Aitor Aspuru Saez 2025eko irailaren 17a

Miren Gaztañaga antzezlea.

Zehazki, Euskal Aktoreen Batasunak emango dio saria Zinemaldiko Euskal Zinemaren Galan.

Irailaren 23an Euskal Aktoreen Batasunak Miren Gaztañaga sarituko du. EITBk antolatzen duen Euskal Zinemaren Gala Handian eskainiko diote aitortza, Donostiako Zinemaldiaren barruan.

Bultzada sariak euskal antzezleen kalitatezko lana ikusarazi nahi du eta, berez, iaz sortu zuten. Elkarteak honakoa azaldu du: "Sari honek ekoizpen arriskutsuetan edo hedapen txikiagoko produkzioetan edo euskara hutsean egindako lanetan egindako lan bikainagatik nabarmentzen diren interpreteak ditu ardatz".

Miren Gaztañagaren pelikulen aitortza

Euskal Aktoreen Batasunak bereziki azpimarratu du Azken erromantikoak filma, baina ez du ahaztu nahi izan Igelak (Patxo Telleria, 2016), El guardián invisible (Fernando Gonzalez Molina, 2017), Legado en los huesos (Fernando Gonzalez Molina, 2019), Ane (David P. Sañudo, 2020), El Hoyo 2 (Galder Gaztelu-Urrutia, 2024) pelikula luzeetan egindako "lan fina".

Halaber, For the good times (Andres Sanz, 2017) edo 2025eko Goya Sarietarako izendatua izan den Betiko gaua (Eneko Sagardoy, 2024) aipatu dituzte, bietan protagonista izan baita.

Kultura Arakaldo

Erlazionatuak

Hurrengo Geltokia #01: Kulturaz, amatasunaz eta harremanez solasean Miren Gaztañagarekin

Erredakzioa mai 22 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide