Arakaldo Enerkom izango da herriko energia komunitatearen izena eta frontoian plaka fotovoltaikoak instalatu nahi dituzte

Aitor Aspuru Saez 2026ko urtarrilaren 22a
Deskargatu Info Ahotsak :

Arakaldoko frontoian instalatu nahi dituzte plaka fotovoltaikoak./ Eusko Jaurlaritza

Egitasmoak elkartearen forma legala hartuko du eta zazpi etxebizitzak eta Udalak parte hartuko dute.

Arakaldon urrats sendoak egiten ari dira herriko energia komunitatea osatzeko. Egindako azken bileran erabaki garrantzitsuak hartu zituzten horretarako.

Lehenik eta behin, proiektua elkartea izango da eta zazpi etxebizitzak ez ezik, Udalak ere parte hartuko du horretan. Horrez gain, Arakaldo Enerkom izango da bere izena.

Barrizar enpresa aholkulariak bideratzen du prozesua eta konpainiak azaldu dio Aiaraldea Komunikabideari lanean ari direla estatutuak osatzeko eta legeztatzeko.

Azpiegitura fotovoltaikoa frontoian

Behin prozedura legal hori beteta, energia komunitatearen bultzatzaileen asmoa da aurrekontuak eskatzea udal frontoiko teilatuan 92 plaka fotovoltaiko instalatzeko. Izan ere, azken helburua izango litzateke sortuko diren 50 kW horiekin elkartearen bazkideak elektrizitateaz hornitzea. 

Ekonomia Arakaldo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide