Arakaldoko jaiak 19:30ak pasata hasi dira ofizialki, Las Modernas de Arakaldo musika taldeak hitza hartu baitu orduan pregoia irakurtzeko. Bikoteak gogor hasi du ekimena, Esparteroren hilobiaren gainean dantzatzeko asmoz. Izan ere, jeneral liberalak herria erre arren, bizitza loratu da bertan.
Berez, musikarien pregoiak aldarrikapena -sexu aniztasuna eta arrazismoaren kontrako mezua zabalduta- eta umorea uztartu ditu. Izan ere, ziurtatu dute beti izango direla Las Modernas de Arakaldo, salbu Arrankudiagak eskaintza ekonomiko handia egiten badie aldatzeko.
Halaber, herriari eta bizilagunei esker beroak eman dizkiete eta "Gora Euskal Herria eta Gora Arakaldo!" ohikatuta amaitu dute.
Jarraian bota dota txupinazoa eta Tor Magoari eman diote lekukoa. Edonola ere, aipatu beharra dago arakaldoarrek ez dutela txupinazoa itxaron giroa berotzen joateko eta lukainka jaten, poteak hartzen eta bola jokoan aritu dira arratsaldean.