Nerbioi-Ibaizaleko Energiaren Behatokia sortu du Udaltalde 21k. Lan-saio bat egin dute dagoeneko, zeinetan Nerbioi-Ibaizabaleko udalen ordezkariek hartu duten parte.
Udalatalde 21en Nerbioi-Ibaizabaleko hiru lan ildoetako bat garatuko du behatoki horrek: “Kudeaketa energetikoa eta klima aldaketa”. “Murrizketa hirukoitza” lortzea izango da entitate berriaren helburua: murrizketa kontsumo energetikoan, faktura energetikoaren gastuan eta berotegi-efektuko gasen isurketan.
Informazio energetikoa zentralizatzeko aplikazioa, urtarriletik aurrera martxan
Informazio energetikoko aplikazio bat erabiliko dute horretarako:" kontabilitate energetikoko software bat". Honako gauza hauek ahalbidetuko ditu aplikazio horrek: “fakturazio egokia kontrolatzea, hornidura energetikoen kontratazioa hobetzea eta udalerrietako eraikin eta argiztapen publikoko koadro guztiak erregistratzea eta horien portaera aztertzea”.
Aplikazio hori 2017ko urtarrilerako funtzionamenduan egotea aurreikusi dute. Hala ere, hasiera batean eskualdeko sei udalerriri soilik eskainiko zaie zerbitzua (Arrankudiaga-Zollokoa tartean).