Hiru pertsona atxilotu zituen Ertzaintzak atzo goizean Arrankudiaga-Zolloko Gastaka Goikoa auzoan, 400 marihuana landare izatea egotzita.
Barne Sailak adierazitakoaren arabera, goizeko zortziak aldera gerturatu ziren poliziak auzora. Bertako baserri baten inguruetan topatu zuten plantazioa, marihuana landareek duten usainak eta ur hornidura hodiengatik eta elektrizitate kableengatik gidaturik.
Hiru pertsona atxilotu zituen Ertzaintzak atzo goizean Arrankudiaga-Zolloko Gastaka Goikoa auzoan, 400 marihuana landare izatea egotzita.
Barne Sailak adierazitakoaren arabera, goizeko zortziak aldera gerturatu ziren poliziak auzora. Bertako baserri baten inguruetan topatu zuten plantazioa, marihuana landareek duten usainak eta ur hornidura hodiengatik eta elektrizitate kableengatik gidaturik.
Hortik gertu zegoen etxola batean topatu zituzten atxilotuetako bi, jada siku zeuden landareak manipulatzen. Arma batzuk ere topatu zituzten bertan: bi eskopeta, munizioa eta aire konprimituzko karabina bat.
Ura eta elektrizitatea garraiatzen zuten kableak jarraitu zituzten gero poliziek, baserri batera arte. Baserria miatu eta jabea atxilotu zuten jarraian.
Marihuana landareez gain, 100 gramo speed ere topatu zituzten ertzainek miaketan.
Atxilotuak 44, 47 eta 54 urte dituzte, eta “osasun publikoaren aurkako delitua” eta “suzko armak legez kontra” izatea egotzi diete.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide