Arrankudiaga-Zollon azaroaren 2an egingo duten herri-kontsultaren harira aurrerapausoak eman dituzte. Prozesua arautuko dituzten protokoloak prest daude: prozedura orokorra, boto sekretua aurretik emateko aukera, segurtasuna, hauteskunde-mahaia eta ikuskatzaileentzako, hauteskunde-batzordearentzako eta behatzaileentzako funtzionamendua erabaki dute.
Arrankudiaga-Zollon azaroaren 2an egingo duten herri-kontsultaren harira aurrerapausoak eman dituzte. Prozesua arautuko dituzten protokoloak prest daude: prozedura orokorra, boto sekretua aurretik emateko aukera, segurtasuna, hauteskunde-mahaia eta ikuskatzaileentzako, hauteskunde-batzordearentzako eta behatzaileentzako funtzionamendua erabaki dute. “Hauteskunde-mahaiaren irekiera eta itxiera akta” eta “Hauteskunde-mahaiaren emaitzen akta” ere zehaztu dituzte.
Bestalde, antolatzaileak herriko talde gehienekin eta udalean ordezkariak dituzten alderdiekin elkartu dira eta mahaiburu eta mahaikide lanak beteko dituzten pertsonak aukeratu dituzte, pluraltasuna, adina eta sexua aintzat hartuta.
Hori gutxi balitz, egitaraua prestatu dute: urriaren 10ean, zigilua eta sinadura jarriko diote boto aurreratuaren hautestontziari, urriaren 17an «Gazta zati bat» pelikula emango dute eta astebete geroago, urriaren 24an, Jon Maia bertsolari eta zuzendariarekin solasaldia egingo dute. Urriaren 19an jaia ospatuko dute. Informazio kanpaina ere abiatuko dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
