Arrankudiaga-Zolloko Koordinazio Tailerrak emakumeen eta gizonen berdintasunaren aldeko lana egun bakar batera, hau da, Emakumeen Nazioarteko Egunera ez mugatzea erabaki du eta horregatik hainbat ekintza antolatuko dira urtean zehar herrian.
Horren harira, Maiatzaren 10ean, zapatua, autodefentsa tailerra antolatu dute. Printzipioz, Gitzarte-Etxean izango da. Ekintza hau 12 urtetik gorako emakumeentzat izango da. Iraupenari dagokionez, bi zatitan banatuta dago: goizean 10:00etatik 14:00etara eta arratsaldean 16:00etatik 20:00etara. Tailerra jarraian izan dadin, bazkaria egongo da Gizarte-Etxean.
Apuntatu nahi duenak Gizarte-Etxean egin dezake edo telefono zenbaki honetara deituta: 671341881 (Olatz).
Prezioa: 10€, bazkaria barne.
Antolatzaileak: Atxetalde, Indarra, Iberlanda, Eskolako Gurasoen Elkartea, Kanpamendua, Arrankudiaga eta Zolloko Udala, Arrankudiagako Ernai, Ramon Azkue Kultur Elkartea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
